في الفترة الاخيرة في كتير من الشباب الايمو الجدد
بضلوا يسئلوني انا صرت ايمو وصفاتهم تنطبق عية وبعدين
!!!
انا اليوم جبتلكوا الاجابة
واتمنى من كل الايمو الجدد مايصدئوا اي كلام من برة
لانه كل واحد صار يطلع حكي من راسه وانا راح أجيبلكوا الموضوع من
( الآخر(
.......
مابدي اطول عليكوا اولا انا ئسمت هالموضوع ئسمين
واحد للايمو بوي النيو والتاني للصبايا
نبلش بالشباب لاني شب
..........
new EMO bOY
اولا وئب مانبلش لازم تكون ايمو من الداخل مش بس استايل
لانه اكره اشي علية الايمو الستايل اللي بس لوك
لازم تعرف انه الايمو مو لعبة وستايل بس اكبر من هيك اشي
لا تحكي على الايمو وانت ماتعرف اشي عنهم
!!!!!
المهم نبلش
اولا نبدأ باللباس
T - SHIRT
التي شيرتات ... تكون كالتالي
اللون مش محدد اي لون او اللون اللي تحبه مش اسود زي مابحكي بعض التافهين
بس الاسود هوة الافضل لانه هوة يلي بدل على الكآبة والحزن
المهم
التي شيرت يكون عليها شعارات او اسماء فرق روك ايمو
وازا مالئيت يكون عيها جماجم
وازا مالئيت ئلوب مكسرة الخ
المهم انها تكون تعكس اللي جواك وهوة الحزن والكآبة وكره العالم
خلصنا من التي شيرتات
نيجي للبنطلونات
في نوعين اما جينز او جنقل
الجينز اي لون طبعا المهم يكون سكني
يعني ضيأ من تحت ووسيع من فوء
واما بانسبة لبنطلونات الجنقل
اللي هية ماتكون جينز تكون فضفاضة كتير
شوفوا هادا الموضوع
http://emozr.darkbb.com/montada-f6/topic-t17.htm
.............
هلأ خلصنا من اللباس نيجي للشعر
طبعا هلأ الكل صار يحكي ازا انت ايمو لازم يكون شعرك طويل
لا تردو عى هاي اتفاهات الايمو اهم اشي من جوة
لكن من المفضل يكون شعرك طويل
طبعا للي شعرهم ئصير في تسريحات للي شعرهم هيك
متل تسوي ..سبايكي ...
اللي شعرهم طويل
عندك 3 خيارات
اولا
اما تخلي شعرك على جزء من عينك
او على عينيك التنتين
او بالاخير ماتخلي على عيونك تخلي على اذنيك
وهدولة اسمهم
EMO kids
نيجي للون الشعر
اما يكون اسود غامق فحمي او اشقر فاتح
عشان يزبط تسوي عليه خصل
بالنسبة للخصل
تصبغ شعرك اي لون تاني تحبه وللي مايئدروا
في حل هوة لما تيجي بدك تطلع
تشتري اللي يصبغ الشعر وتروح الصبغة بعد غسله
طبعا الفيديوهات كتيرة بس انت فوت اليوتيوب واكتب
emo hair style
.............
نيجي هلأ للاشياء الفرعية
اولا كحل العين
وهوة الكوا انتوا الشباب والصبايا
من هون
http://emozr.darkbb.com/montada-f6/topic-t1084.htm
...........
هلأ نيجي للحلأ اما يكون على تمك او انفك او عند حاجبك
وللي مايئدروا في حلوء بس تركيب وتئدر تشيلهى بعدين
وانت واللي يريحك
..........
الاكسسوارات
البس اساور جماجم يعني اي اكسسوراات تدل على انك كئيب ئرفان الدنيا الخ
وبالنسبة للي متلا دينهم مابسمح وهيك مش شرط تلبس
المهم الاشياء الاساسية يلي حكيتها فوء
...........
نيجي للشوز
اشتري الشو يلي من ماركة
VANS
موجودة بكل الدول العربية
...............
هيك بنكون خلصنا منكوا يا شباب
بس في نصائح لازم تئروها آخر الموضوع
لانها مهمة جدا جدا إلكوا
..............
NEW EMO GIRLS
صبايا انتوا ماراح يختلف موضوعكوا كتير عن الشباب
بس بكمن اشي
اولا
الشعر
فوتي هدا الموضوع واختاري التسريحة يلي تناسبك
http://emozr.darkbb.com/montada-f6/topic-t244.htm
...........
الملابس زي الشباب الجينز سكني
بس مافي بنات يلبسن جنقل
في تنورات ويعني من الملابس يلي للبنات
المهم انك اختاري الباس يلي بعبر عن حزنك والخ
فوتي قسم ايمو ستايل بتلائي كتير ملابس
http://emozr.darkbb.com/montada-f6/topic-t220.htm
http://emozr.darkbb.com/montada-f6/topic-t191.htm
............
طبعا الشوز من ماركة
VANS
.....
طبعا انتوا الصبايا الكوا كتير اكسسورات انت حاولي
تاخدي اكتر اكسسوارات للايمو
وحتى على ملابسك حطي فيونكات
مش الزامي لكن يعني للي بده
.......
هلأ نيجي للنصائح والاشياء المشتركة
اول اشي ازا كمان حابين تعملوا استايل ايمو بشكل اكبر
تئدروا اول اشي تبدلوا الشوزات يعني وحدة سودة ووحدة حمرة
او الوان الرباطات تخلوا لون هون ولون غير هناك
وحتى الجرابات تغيروا الوانهن
لكن هادا مش الزامي خصوصا ازا كنت في مجمع متخلف
بتعرف شو راح يحكوا عنك انه انت اللي متخلف
فانت وحسب مجتمعك
..........
نصائح مهمة
اولا
في المدرسة
انتبه انك تعمل استايل الايمو وخصوصا الشعر
مش شرط انك تسوي شعرك بكل وئت
حاول انك بس بالطلعات ولا ترد على يلي بحكوا ازا ماسويت شعرك بتبطل ايمو
سيبكوا من هاي التفاهات
وطبعا خصوصا للشباب ازا كنت مسوي شعرك مشكلة كبيرة
وخصوصا ازا كان استازك اصلع او مدير مدرستكوا
لانه راح ينتهي شعرك بالحلأ
واسئل مجرب ولا تسئل طبيب
.....
وحاول مش انك صرت ايمو تروح تنشر الخبر بكل مكان
خلي بينك وبين نفسك
وخصوصا ازا كان اهلك متشددين
ازا سئلوك احكي انا مش ايمو بس استايل
عشان ماتعرض نفسك للمشاكل
وبالنسبة لاغاني الايمو
في ملاحظة حلوة حكتها العضوة
نورهان
انه بس لازم تسمع روك وفرق ايمو
بالاصل الايمو شو ؟؟ هوة الحزن والخ
يعني مش غلط تسمع عربي حزين المهم اغاني حزينة
وحاول تكتب قصايد او اشعار حزينة المهم انك تعبر عن اللي بداخلك
.........
وبالاخير اتمنى انه الكل فهم استايل الايمو
وانا هادا يلي عندي
وازا كنت نسيت اشي ياريت تزكروني فيه